ന്യൂഡല്‍ഹി: രാജ്യത്ത് വാണിജ്യ ആവശ്യത്തിനുള്ള പാചകവാതക സിലിണ്ടറുകളുടെയും ഫ്രീ ട്രേഡ് എല്‍പിജി (എഫ്.ടിഎല്‍) സിലിണ്ടറുകളുടെയും വില എണ്ണക്കമ്പനികള്‍ കുറച്ചു. 19 കിലോ വാണിജ്യ സിലിണ്ടറുകള്‍ക്ക് 30.50 രൂപയും അഞ്ച് കിലോയുടെ എഫ്.ടി.എല്‍ സിലിണ്ടറിന് ഏഴര രൂപയുമാണ് കുറച്ചത്. ഇതോടെ വാണിജ്യ സിലിണ്ടറുകളുടെ വില ഡല്‍ഹിയില്‍ 1764. 50 ആയി. ഗാര്‍ഹിക സിലിണ്ടറിന്റെ വിലയില്‍ മാറ്റമില്ല. എല്‍പിജി സിലിണ്ടറുകളുടെ വില വര്‍ധിപ്പിക്കേണ്ടിവരുമെന്നായിരുന്നു മാര്‍ച്ച് ആദ്യം എണ്ണക്കമ്പനികള്‍ അറിയിച്ചിരുന്നത്. എന്നാല്‍, എണ്ണവിലയിലെ മാറ്റവും വിപണിയിലെ സാഹചര്യവും കണക്കിലെടുത്താണ് ഇപ്പോഴത്തെ വിലക്രമീകരണം എന്നാണ് റിപ്പോര്‍ട്ട്.
വാണിജ്യാവശ്യത്തിനുള്ള പാചകവാതകത്തിന്റെ വില കുറച്ചു
