നഗോയ: ഏഷ്യന്‍ ഗെയിംസില്‍ അമ്പെയ്ത്തില്‍ തിളങ്ങി ഇന്ത്യ. വനിതകളുടെ റിക്കര്‍വ് ഇനത്തിലാണ് ഇന്ത്യ സ്വര്‍ണം നേടിയത്. അനില്‍ മൊഹോദാണ് സുവര്‍ണനേട്ടം സമ്മാനിച്ചത്. 17കാരിയായ താരം കൊറിയന്‍ താരത്തിനെതിരെ ശക്തമായി തിരിച്ചുവരവാണ് നടത്തിയത്. നിലവില്‍ ഇന്ത്യ 77 മെഡല്‍ നേട്ടവുമായി മുന്നേറുകയാണ്. 17 സ്വര്‍ണവും, 25 വെള്ളിയും 35 വെങ്കലവുമാണ് ഇതുവരെ ഇന്ത്യയുടെ സമ്പാദ്യം. 20 സ്വര്‍ണവുമായി ഉസ്ബെക്കിസ്ഥാനാണ് നാലാമത്. ജപ്പാന് രണ്ടാമതും ചൈന ഒന്നാമതും തുടരുകയാണ്. ജപ്പാന് 72 സ്വര്‍ണമാണെങ്കില്‍ ചൈന 162 സ്വര്‍ണവുമായി ബഹുദൂരം മുന്നിലാണ്. ചൈനയ്ക്ക് നിലവില്‍ 317 മെഡലുകളുണ്ട്. മികച്ച പ്രകടനമാണ് ഇന്ത്യന്‍ താരങ്ങള്‍ ഇന്നലെ പുറത്തെടുത്തത്. ബോക്സിങ്ങില്‍ മൂന്ന് സ്വര്‍ണമടക്കം ആറ് സ്വര്‍ണമാണ് വെള്ളിയാഴ്ച ഇന്ത്യ നേടിയത്. അമ്പെയ്ത്തിലെ സ്വര്‍ണനേട്ടത്തോടെയാണ് ഇന്ത്യ തുടങ്ങിയത്. റിക്കര്‍വ് ഇനത്തില്‍ വനിതാ ടീം സ്വര്‍ണം നേടി. പിന്നാലെ ബോക്സിങ് റിങ്ങില്‍ ഇന്ത്യ മെഡലുകള്‍ വാരിക്കൂട്ടി.
ഏഷ്യന്‍ ഗെയിംസ്: അമ്പെയ്ത്തില്‍ ഇന്ത്യക്ക് സ്വര്‍ണ്ണം
