ചെന്നൈ: സംഗീത സംവിധായകന് എസ് പി വെങ്കിടേഷ് അന്തരിച്ചു. ചെന്നൈയിലെ വീട്ടില് ഹൃദയാഘാതത്തെ തുടര്ന്ന് ആണ് അന്ത്യം. 70 വയസ്സ് ആയിരുന്നു. 1980 കളിലും 90കലിലും മലയാള സിനിമയില് തിളങ്ങി. 1985ല് ജനകീയ കോടതി എന്ന സിനിമയിലൂടെയായിരുന്നു അരങ്ങേറ്റം. രാജാവിന്റെ മകന് എന്ന ചിത്രത്തിലൂടെ ശ്രദ്ധിക്കപ്പെട്ടു. ഇതിലെ ഗാനങ്ങളും പശ്ചാത്തല സംഗീതവും ആരാധകര് ഹൃദയത്തിലേറ്റി. കിലുക്കം, മിന്നാരം, ജോണി വാക്കര്. കൗരവര്, സ്ഫടികം, ധ്രുവം, കിഴക്കന് പത്രോസ്, ഹിറ്റ്ലര്, ദേവാസുരം തുടങ്ങി നിരവധി സിനിമകളിലെ ഗാനങ്ങള്ക്ക് അദ്ദേഹം സംഗീതം നല്കി. പൈതൃകം എന്ന സിനിമയ്ക്ക് മികച്ച സംഗീത സംവിധായകനുള്ള സംസ്ഥാന ചലച്ചിത്ര അവാര്ഡ് നേടിയിട്ടുണ്ട്.
എസ് പി വെങ്കിടേഷ് അന്തരിച്ചു
