പരപ്പ: 16 വര്‍ഷം ദുരിതക്കിടക്കയിലായിരുന്ന ഷഹാന്‍ റിയാസ് അബ്ദുല്ല (16) വേദനയില്ലാത്ത ലോകത്തേക്ക് യാത്രയായി ഉറ്റവര്‍ക്ക് തീരാവേദന ബാക്കിവെച്ച്. സംസ്ഥാന സര്‍ക്കാരിന്‍റെ എന്‍ഡോസള്‍ഫാന്‍ ദുരിതബാധിതരുടെ പട്ടികയിലുള്ള കുട്ടിയാണ് പരപ്പ, ബാനം റോഡിലെ റിയാസ്-റുഖിയ ദമ്പതികളുടെ മകന് ഷഹാന്‍ റിയാസ്. പ്രായം 16 ആയെങ്കിലും ജീവിതത്തില്‍ ഒരിക്കല്‍ പോലും എഴുന്നേറ്റ് ഇരിക്കാനോ നടക്കാനോ കഴിയാതെ ദുരിതം തിന്നുകയായിരുന്നു ഈ കുട്ടി. ഇന്നലെ വൈകുന്നേരത്തോടെ കടുത്ത ശ്വാസ തടസ്സം അനുഭവപ്പെട്ടതിനെ തുടര്‍ന്ന് ആശുപത്രിയില്‍ എത്തിച്ചുവെങ്കിലും ജീവന്‍ രക്ഷിക്കാനായില്ല. വെള്ളരിക്കുണ്ട് പോലീസ് അസ്വാഭാവിക മരണത്തിന് കേസെടുത്തു. സഹോദരങ്ങള്‍: ഷാനിബ, ആലിഖിന്‍നൂര്‍.
16 കൊല്ലം ദുരിതകിടക്കയില്‍; ഷഹാന്‍ യാത്രയായി
