കാസര്കോട്: പോലീസിനെ കണ്ട് ഉപേക്ഷിച്ച സ്കൂട്ടറില് നിന്ന് മാരകമയക്കുമരുന്നായ എം ഡി എം എ പിടികൂടിയ കേസില് പ്രതിയെ മഞ്ചേശ്വരം പോലീസ് പിടികൂടി. ഉപ്പള, മുസോഡിയിലെ അബ്ദുല് മജീദിനെയാണ് പോലീസ് അറസ്റ്റുചെയ്തത്. ഇയാളെ കോടതി രണ്ടാഴ്ച്ചത്തേയ്ക്ക് റിമാന്റു ചെയ്തു. ജനുവരി എട്ടിന് രാത്രി എട്ടേകാല് മണിയോടെയാണ് കേസിനാസ്പദമായ സംഭവം. ജില്ലാ പോലീസ് മേധാവിയുടെ കീഴിലുള്ള ഡാന്സാഫ് സ്ക്വാഡിലെ അംഗങ്ങളായ ആരിഫ്, ഷൈജു എന്നിവര് ചേര്ന്ന് മുസോടിയില് വെച്ച് മജീദ് സഞ്ചരിച്ച സ്കൂട്ടര് തടഞ്ഞുനിര്ത്തി പരിശോധിക്കുന്നതിനിടയില് സ്ഥലത്തെത്തിയ ഒരാള് പോലീസുമായി തര്ക്കത്തിലേര്പ്പെടുന്നതിനിടയിലാണ് മജീദ് ഓടിരക്ഷപ്പെട്ടത്. തുടര്ന്ന് മഞ്ചേശ്വരം പോലീസെത്തി സ്കൂട്ടറില് നടത്തിയ പരിശോധനയിലാണ് 1.32 ഗ്രാം എം ഡി എം എ പിടികൂടി കേസെടുത്തത്.
പോലീസിനെവെട്ടിച്ച് രക്ഷപ്പെട്ട മയക്കുമരുന്ന് കേസ് പ്രതി പിടിയില്
