കാസര്കോട്: നാഷണല് ഹൈവേ കുമ്പള ടോള് ബൂത്തിലെ യാത്രക്കാര്ക്ക് നേരെയുള്ള പോലീസ് ഇടപെടലുകള് അവസാനിപ്പിക്കണമെന്ന് എ കെ എം അഷ്റഫ് എം.എല്എ മുഖ്യമന്ത്രിയോടാവശ്യപ്പെട്ടു. കഴിഞ്ഞ ദിവസം ടോള് നല്കിയ യാത്രക്കാരന്റെ കാറിനു ടോള് ബൂത്തിലെ ബാരിയര് ഇടിച്ച് കേടുപാടുണ്ടായെന്നും അത് ചോദ്യം ചെയ്ത യാത്രക്കാരനെ കുമ്പള സി ഐ യുടെ നേതൃത്വത്തില് കാറില് നിന്ന് വലിച്ചിഴച്ചുവെന്നും നിവേദനത്തില് അഷ്റഫ് ചൂണ്ടിക്കാട്ടി. ഇതുമായി ബന്ധപ്പെട്ട പോലീസുകാര്ക്കെതിരെ കര്ശന നടപടിയെടുക്കണമെന്നു നിവേദനത്തില് ആവശ്യപ്പെട്ടു. ടോള് ഗേറ്റ് പിരിവുകാരെപ്പോലെയാണ് പോലീസ് നിലപാടെന്ന് എംഎല്എ നിവേദനത്തില് പറയുന്നു. ജില്ലാ പഞ്ചായത്ത് അംഗം അസീസ് കളത്തൂര്, യൂത്ത് ലീഗ് ജില്ലാ സെക്രട്ടറി സഹീര് ആസിഫ് എന്നിവരും നിവേദക സംഘത്തിലുണ്ടായിരുന്നു.
ടോള് പ്ലാസയിലെ പോലീസ് നടപടി; എംഎല്എ മുഖ്യമന്ത്രിയെ കണ്ടു
