വളപട്ടണം : ബ്രൗണ്‍ഷുഗറുമായി മധ്യവയസ്കനെ വളപട്ടണം പോലീസ് അറസ്റ്റ് ചെയ്തു. ചിറക്കല്‍ കാട്ടാമ്പള്ളി സ്വദേശി പി.ടി.റഹീമിനെയാണ് (54) എസ്.ഐ.പി.ഉണ്ണികൃഷ്ണന്‍റെ നേതൃത്വത്തില്‍ എസ്.ഐ.മാത്യു ഡെക്സന്‍ ഡിസില്‍വ, എ.എസ്.ഐ. ഷാജി, സിവില്‍ പോലീസ് ഓഫീസര്‍മാരായ കിരണ്‍, ജോര്‍ജ് എന്നിവരടങ്ങിയ സംഘം അറസ്റ്റ് ചെയ്തത്. രാത്രി 10 മണിയോടെ കോട്ടക്കുന്ന് പുതിയകാവ് റോഡില്‍ വെച്ചാണ് 4.8 ഗ്രാം ബ്രൗണ്‍ഷുഗറുമായി പ്രതി പോലീസ് പിടിയിലായത്.പരിശോധനയില്‍ ഇയാളില്‍ നിന്നും 3,700 രൂപയും രണ്ടുമൊബൈല്‍ ഫോണും പോലീസ് കണ്ടെടുത്തു.
മയക്കുമരുന്നുമായി 54 കാരന് പിടിയില്‍
