ബന്തടുക്ക: ഓടിക്കൊണ്ടിരിക്കുന്ന ബസ്സില്‍ നിന്നും പുറത്തേക്ക് തെറിച്ച് വീണ് വയോധികക്ക് പരിക്കേറ്റു. കുറ്റിക്കോല്‍ പടുപ്പ് മന്ദാരതോട്ടത്തില്‍ ഹൗസില്‍ ചാക്കോയുടെ ഭാര്യ ലീലാമ്മ(63) നാണ് പരിക്കേറ്റത്. കുറ്റിക്കോല്‍ നിന്നും പടുപ്പിലേക്ക് ശുക്രിയ ബസ്സില്‍ സഞ്ചരിക്കുന്നതിനിടയില്‍ പടുപ്പ് പുന്നക്കല്‍ വളവില്‍ വെച്ചാണ് അപകടമുണ്ടായത്. ബസ് പെട്ടെന്ന് ബ്രേക്കിട്ടപ്പോള്‍ യാത്രക്കാരിയായ ലീലാമ്മ മുന്‍വശത്തെ വാതിലിലൂടെ പുറത്ത് റോഡിലേക്ക് തെറിച്ചു വീഴുകയായിരുന്നു. അപകടമുണ്ടാക്കിയ ബസ് ഡ്രൈവര്‍ക്കെതിരെ ബേഡകം പോലീസ് കേസെടുത്തു.
ബസില്‍ നിന്ന് പുറത്തേക്ക് തെറിച്ച് വീണ് വയോധികക്ക് പരിക്ക്
