നീലേശ്വരം: എസ്എഫ്ഐയുടെ ജില്ലാ പ്രതിനിധി സമ്മേളനത്തിന് കോട്ടപ്പുറത്ത് ആവേശത്തുടക്കം. നീലേശ്വരം കോട്ടപ്പുറം അഫ്സല്‍ നഗറില്‍ സമ്മേളനത്തിന് തുടക്കംകുറിച്ച് ജില്ലാ പ്രസിഡന്‍റ് വിഷ്ണു ചേരിപാടി പതാക ഉയര്‍ത്തി.
വിഷ്ണു ചേരിപാടി, പ്രവിശ, അദിനാന്‍, സജേഷ് എന്നിവരടങ്ങിയതാണ് പ്രസീഡിയം. അര്‍ജുന്‍ പ്ലാച്ചികര (രജിസ്ട്രേഷന്‍), കെ.പ്രണവ് (പ്രമേയം), ദീക്ഷിത (മിനുട്സ്), കെ.അനീഷ് (ക്രഡന്‍ഷ്യല്‍), ഋഷിത സി പവിത്രന്‍ നവമാധ്യമം) എന്നിവര്‍ കണ്‍വീനര്‍മാരായി മറ്റുകമ്മിറ്റികളെയും തെരഞ്ഞെടുത്തു. അഖിലേന്ത്യാ വൈസ് പ്രസിഡന്‍റ നിതീഷ് നാരായണന്‍ ഉദ്ഘാടനം ചെയ്തു. വിഷ്ണു ചേരിപാടി അധ്യക്ഷനായി. സംസ്ഥാന പ്രസിഡന്‍റ് കെ.അനുശ്രീ സംഘടനാ റിപ്പോര്‍ട്ടും, ജില്ലാ സെക്രട്ടറി ബിപിന്‍രാജ് പായം പ്രവര്‍ത്തന റിപ്പോര്‍ട്ടും അവതരിപ്പിച്ചു. കേന്ദ്ര കമ്മിറ്റി അംഗങ്ങളായ അഞ്ജു കൃഷ്ണ, സെറീന സലാം, വി.വിചിത്ര എന്നിവര്‍ സംസാരിച്ചു. സംഘാടക സമിതി ചെയര്‍മാന്‍ എം. രാജന്‍ സ്വാഗതം പറഞ്ഞു. ജില്ലയിലെ 12 ഏരിയകളില്‍ നിന്നുമുള്ള വിദ്യാര്‍ഥിനികളാണ് പ്രതിനിധിസമ്മേളനത്തില്‍ പങ്കെടുക്കുന്നത്. നാളെ പുതിയ ജില്ലാ കമ്മിറ്റി അംഗങ്ങളെയും ഭാരവാഹികളെയും തെരഞ്ഞെടുക്കും.
