തലപ്പാടി: ടൊയോട്ട കാറില് സഞ്ചരിച്ച് ആവശ്യക്കാര്ക്ക് എംഡിഎംഎ വില്പ്പന നടത്തുന്ന മൂന്നംഗസംഘം അറസ്റ്റില്. ഒരാള് ഓടി രക്ഷപ്പെട്ടു. ഉള്ളാള്, കൊളങ്കരയിലെ അബ്ദുല്റൗഫ് (30), തൊക്കോട്, ചെമ്പഗുഡയിലെ ഷെരീഫ് എന്ന അമീന് (34), കിന്യയിലെ നിയാസ് (24) എന്നിവരാണ് അറസ്റ്റിലായത്. പണമ്പൂര്, ബങ്കരെ സ്വദേശിയായ സലാമാണ് ഓടിരക്ഷപ്പെട്ടതെന്ന് പോലീസ് പറഞ്ഞു. കേരള കര്ണ്ണാടക അതിര്ത്തിയായ തലപ്പാടി, തല്ലേനിയില് ഉള്ളാള് പോലീസ് നടത്തിയ വാഹന പരിശോധനയ്ക്കിടയിലാണ് സംഘം പിടിയിലായത്. കാറില് നിന്ന് 42 ഗ്രാം എം ഡി എം എ, മൂന്നു മൊബൈല് ഫോണുകള്, മയക്കുമരുന്ന് തൂക്കാന് ഉപയോഗിക്കുന്ന ഇലക്ട്രോണിക്സ് ത്രാസ് എന്നിവ പിടികൂടി. രക്ഷപ്പെട്ട പ്രതിക്കായി അന്വേഷണം ഊര്ജിതമാക്കിയതായി പോലീസ് പറഞ്ഞു.
ടൊയോട്ട കാറില് എംഡിഎംഎയുമായി മൂന്നുപേര് പിടിയില്, ഒരാള് രക്ഷപ്പെട്ടു
