കാസര്‍കോട്: ഏഴ് ഗ്രാം എം.ഡി. എം.എ.യുമായി യുവാവിനെ പോലീസ് അറസ്റ്റു ചെയ്തു. വെസ്റ്റ് എളേരി കുന്നുംകൈ സ്വദേശിയും കാഞ്ഞങ്ങാട്, ഞാണിക്കടവില്‍ താമസക്കാരനുമായ കെ.കെ നൗഫലി(40)നെയാണ് ഹൊസ്ദുര്‍ഗ് എസ്.ഐ എന്‍.അന്‍സാറും സംഘവും അറസ്റ്റു ചെയ്തത്. പടന്നക്കാട് ടൗണില്‍ വാഹനപരിശോധനക്കിടയിലാണ് നൗഫല്‍ പോലീസിന്‍റെ പിടിയിലായത്. പ്രതിയുടെ ഭാര്യയുടെ പേരിലുള്ള സ്കോര്‍പിയോ കാറാണ് മയക്കുമരുന്ന് കടത്തിന് ഉപയോഗിച്ചതെന്ന് പോലീസ് പറഞ്ഞു. എസ്.ഐ രാജീവ് കുമാര്‍, സീനിയര്‍ സിവില്‍ പോലീസ് ഓഫീസര്‍ ജ്യോതിഷ് എന്നിവരും പോലീസ് സംഘത്തില്‍ ഉണ്ടായിരുന്നു.
എം.ഡി.എം.എ.യുമായി കുന്നുംകൈ സ്വദേശി അറസ്ററില്
