കാസര്‍കോട്: പിറ്റ് എന്‍ഡിപിഎസ് ആക്ട് പ്രകാരം നെല്ലിക്കട്ട, സാലത്തടുക്കയിലെ പിഎം ഇക്ബാലിനെ അറസ്റ്റു ചെയ്ത് പൂജപ്പുര സെന്‍ട്രല്‍ ജയിലിലടച്ചു. ബദിയടുക്ക പോലീസാണ് ഇയാളെ പിടികൂടിയത്. നിരവധി മയക്കുമരുന്ന് കേസുകളില്‍ പ്രതിയാണ് പിടിയിലായ ഇക്ബാലെന്നു പോലീസ് പറഞ്ഞു. കര്‍ണാടകയിലും കാസര്‍കോട്, ബദിയടുക്ക പോലീസ് സ്റ്റേഷനുകളും മയക്കുമരുന്ന് കേസുകളില്‍ പ്രതിയാണ് ഇയാളെന്ന് പോലീസ് പറഞ്ഞു. ദക്ഷിണ കന്നഡ കാവൂര്‍ പോലീസ് സ്റ്റേഷനില്‍ 2019 ല്‍ 41.140 കിലോ കഞ്ചാവ് കടത്തിയതിനും ബദിയടുക്ക പോലീസ് സ്റ്റേഷനില്‍ 2025 ല്‍ 26.1 ഗ്രാം എം ഡി എം എ കൈവശം സൂക്ഷിച്ച കേസിലും പ്രതിയാണ് ഇയാള്‍. നിലവില്‍ കുഡ്ലു ,ആസാദ് നഗറില്‍ താമസക്കാരനായ ഇക്ബാലിന്‍റെ അറസ്റ്റോടെ ജില്ലയില്‍ പിറ്റ് എന്‍ഡിപിഎസ് ആക്ട് പ്രകാരം പിടിയിലായവരുടെ എണ്ണം 12 ആയി. ജില്ലാ പോലീസ് മേധാവി ബി.വി വിജയ ഭരത് റെഡ്ഡിയുടെ നിര്‍ദ്ദേശപ്രകാരം എഎസ്പി ഡോ. എം.നന്ദഗോപന്‍റെ മേല്‍നോട്ടത്തില്‍ ബദിയടുക്ക വമലീസ് ഇന്‍സ്പെക്ടര്‍ എ.സന്തോഷ് കുമാറിന്‍റെ നേതൃത്വത്തില്‍ എസ് ഐ എം. സവ്യസാചിയും സംഘവുമാണ് പ്രതിയെ പിടികൂടിയത്.
മയക്കുമരുന്ന് കേസിലെ പ്രതി എന്‍ഡിപിഎസ് ആക്ട് പ്രകാരം പിടിയില്‍
