കൊച്ചി: പെരുമ്പാവൂരില്‍ വാഹനാപകടത്തില്‍ അച്ഛ നും മകള്‍ക്കും ദാരുണാന്ത്യം. പെരുമ്പാവൂര്‍ എംസി റോഡില്‍ ഇന്ന് രാവിലെ ഏഴ് മണിയോടെയാണ് സംഭവം. ബൈക്കില്‍ യാത്ര ചെയ്യുകയായിരുന്ന കോതമംഗലം കറുകടം സ്വദേശി എല്‍ദോസും മകള്‍ ബ്ലെസി (24)യുമാണ് മരിച്ചത്. ഇവര്‍ സഞ്ചരിച്ച ഹോണ്ട യൂണികോണ്‍ ബൈക്കിനെ എതിരെ വന്ന ടിപ്പര്‍ ലോറി ഇടിച്ചിടുകയായിരുന്നു. ബ്ലെസി സംഭവസ്ഥലത്തും എല്‍ദോസ് ആശുപത്രിയിലും മരണമടഞ്ഞു. കോതമംഗലത്തെ വീട്ടില്‍ നിന്നും പെരുമ്പാവൂര്‍ പ്രധാന പാത വഴി അങ്കമാലിയിലേക്ക് പോവുകയായിരുന്നു ഇരുവരും. കോയമ്പത്തൂരില്‍ നഴ്‌സിങ് വിദ്യാര്‍ത്ഥിയായ മകള്‍ ബ്ലെസിക്ക് തിരികെ കോളേജില്‍ പോകാനായി അങ്കമാലി റെയില്‍വെ സ്റ്റേഷനിലേക്ക് പോവുകയായിരുന്നു. താന്നിപ്പുഴ പള്ളിക്ക് മുന്‍വശത്ത് എത്തിയപ്പോള്‍ അമിത വേഗത്തിലെത്തിയ ടിപ്പര്‍ ലോറി ഇരുവരെയും ഇടിച്ചിട്ടു. പിന്നീട് ശരീരത്തിലൂടെ ലോറി കയറി.
അച്ഛനും മകളും ലോറിതട്ടി മരിച്ചു
