ഉദുമ: കാണാതായ യുവാവിനെ കടപ്പുറത്ത് മരിച്ച നിലയില്‍ കണ്ടെത്തി. ബേക്കല്‍ ഭജനമന്ദിരത്തിന് സമീപത്തെ കണ്ണന്‍ എന്ന അര്‍ജ്ജുന്‍റെ(29) മൃതദേഹമാണ് കോടി കടപ്പുറത്ത് രാവിലെ കണ്ടെത്തിയത്. വ്യാസന്‍-സുഷമ ദമ്പതികളുടെ ഏക മകനാണ് അര്‍ജ്ജുന്‍. ഇന്നലെ വൈകുന്നേരം വീട്ടില്‍ നിന്ന് പുറത്തു പോയതായിരുന്നു. സമീപത്തെ ക്ഷേത്രത്തില്‍ നിത്യവും പ്രാര്‍ത്ഥിക്കാന്‍ പോകാറുള്ള അര്‍ജ്ജുന്‍ ഇന്നലെ രാത്രി പതിവു സമയം കഴിഞ്ഞിട്ടും വീട്ടില്‍ തിരിച്ചെത്തിയിരുന്നില്ല. തെരച്ചില്‍ തുടരുന്നതിനിടയിലാണ് ഇന്ന് രാവിലെ കോടി കടപ്പുറത്ത് മൃതദേഹം കാണപ്പെട്ടത്. ബേക്കല്‍ പോലീസെത്തി ഇന്‍ക്വസ്റ്റ് നടത്തി. മൃതദേഹം പോസ്റ്റുമോര്‍ട്ടത്തിനായി മോര്‍ച്ചറിയിലേക്ക് മാറ്റി.
കാണാതായ യുവാവിനെ കടപ്പുറത്ത് മരിച്ച നിലയില്‍ കണ്ടെത്തി
