ബേക്കല്‍: ബൈക്കില്‍ കൊണ്ടുപോകുകയായിരുന്ന എംഡിഎംഎ യുമായി യുവാവിനെ ബേക്കല്‍ എസ്ഐ ബാവ അക്കരക്കാരനും സംഘവും പിടികൂടി.
കുമ്പള ചെറിയ ജുമാമസ്ജിദ് ക്വാര്‍ട്ടേഴ്സില്‍ താമസിക്കുന്ന അബൂബക്കറിന്‍റെ മകന് ബി.എ.സല്‍മാനെയാണ് സംസ്ഥാനപാതയില്‍ കോട്ടിക്കുളം ഭണ്ഡാരവീടിന് സമീപം വെച്ച് പിടികൂടിയത്. ഇന്ന് പുലര്‍ച്ചെ പട്രോളിങ്ങിനിടെയാണ് ബൈക്കില്‍ വരികയായിരുന്ന സല്‍മാനെ പോലീസ് സംഘം പിടികൂടിയത്. പോലീസ് കൈകാണിച്ചപ്പോള്‍ ബൈക്ക് നിര്‍ത്തി ഓടി രക്ഷപ്പെടാന്‍ ശ്രമിച്ച ഇയാളെ പോലീസ് ബലപ്രയോഗത്തിലൂടെ പിടികൂടുകയായിരുന്നു. തുറന്ന് നടത്തിയ പരിശോധനയിലാണ് 3.80 ഗ്രാം എംഡിഎംഎ കണ്ടെത്തിയത്. പാലക്കുന്ന് സ്വദേശിയായ മുഹമ്മദ് ഷാഹിദിന് വേണ്ടിയാണ് എംഡിഎംഎ കൊണ്ടുവന്നതെന്ന് ഇയാള്‍ പോലീസിനോട് സമ്മതിച്ചു.
