ചെറുപുഴ: മലബാറിലെ മലയാറ്റൂര്‍ എന്നറിയപ്പെടുന്ന കൊട്ടത്തലച്ചി മലയിലേക്കുള്ള 67-ാമത് വിശ്വാസ തീര്‍ഥാടനവും പുതുഞായര്‍ ആചരണവും നാളെ പുലര്‍ച്ചെ 3ന് തുടങ്ങും. 3 ന് ആനക്കുഴിയില്‍ നിന്നും കുരിശിന്‍റെ വഴി ആരംഭിക്കും. 3.45ന് കൊടിയേറ്റിന് ചൂരപ്പടവ് പള്ളി വികാരി ഫാ. സെബാസ്റ്റ്യന്‍ അരിച്ചാലില്‍ നേതൃത്വം നല്‍കും. തുടര്‍ന്ന് 4 മുതല്‍ 9 വരെ നടക്കുന്ന തിരുക്കര്‍മങ്ങള്‍ക്ക് ഫാ.തോമസ് ചിന്താര്‍മണിയില്‍, ഫാ.ഡോ.ജോണ്‍ കൊച്ചുപുരയ്ക്കല്‍, ഫാ.ജേക്കബ് തെങ്ങനാട്ട്, ഫാ.ആന്‍റണി പെരുമ്പള്ളികുന്നേല്‍ എന്നിവര്‍ നേതൃത്വം നല്‍കും. മലയോര മേഖലയിലെ പ്രധാന തീര്‍ത്ഥാടന കേന്ദ്രമായ കൊട്ടത്തലച്ചി മലയില്‍ നടക്കുന്ന തിരുക്കര്‍മങ്ങളില്‍ നാടിന്‍റെ വിവിധ ഭാഗങ്ങളില്‍ നിന്നുള്ള ആയിരക്കണക്കിന് വിശ്വാസികള്‍ പങ്കെടുക്കും.
കൊട്ടത്തലച്ചിമലയിലേക്ക് തീര്‍ത്ഥാടനം നാളെ പുലര്‍ച്ചെമുതല്‍
