കാസര്‍കോട്: ഉപ്പളയിലെ ഓട്ടോറിക്ഷ ഡ്രൈവറെ തോക്കുമായി ഗുജറാത്ത് പോലീസ് അറസ്റ്റുചെയ്തു.
ഉപ്പളയിലെ ഓട്ടോ ഡ്രൈവര്‍ മജല്‍ സ്വദേശി മുഹമ്മദ് സുഹൈലാണ് ശനിയാഴ്ച ഗുജറാത്ത് പോലീസിന്‍റെ പിടിയിലായത്. ഇയാളെ വിശദമായി ചോദ്യം ചെയ്തു വരികയാണ്. തോക്കുമായി ഇയാള്‍ എന്തിനാണ് ഗുജറാത്തില്‍ എത്തിയതെന്ന് വ്യക്തമായിട്ടില്ല. പിടിയിലായ മുഹമ്മദ് സുഹൈലിന്‍റെ പശ്ചാത്തലത്തെക്കുറിച്ച് അന്വേഷിക്കാന്‍ ഗുജറാത്ത് പോലീസ് കേരള പോലീസിന്‍റെ സഹായം തേടിയിട്ടുണ്ട്. ഗുജറാത്ത് പോലീസില്‍ നിന്നും ലഭിച്ച വിവരത്തിന്‍റെ അടിസ്ഥാനത്തില്‍ മഞ്ചേശ്വരം പോലീസും വിവിധ രഹസ്യാന്വേഷണ ഏജന്‍സികളും അന്വേഷണം ആരംഭിച്ചു. ഇയാള്‍ക്ക് കഞ്ചാവ് കടത്ത് സംഘങ്ങളുമായി ബന്ധമുണ്ടെന്നും പോലീസ് പറഞ്ഞു.
