കാസര്‍കോട്: മാല മോഷണം തൊഴിലാക്കിയ യുവാവ് ബേക്കലില്‍ അറസ്ററില്. ഉദുമ പാക്യര സ്വദേശി മുഹമ്മദ് ഇജാസാണ്(26) അറസ്റ്റിലായത്. തളിപ്പറമ്പ, മംഗലാപുരം, ഉപ്പിനങ്ങാടി എന്നീ സ്റ്റേഷനുകളില്‍ സ്കൂട്ടറില് സഞ്ചരിച്ച് വഴിയാത്രക്കാരുടെ മാല പിടിച്ചുപറിച്ച കേസുകള്‍ നിലവിലുണ്ട്. ബേക്കല്‍, ഹൊസ്ദുര്‍ഗ് സ്റ്റേഷനുകളിലും മാല മോഷണ കേസിലെ പ്രതിയാണ്. മുഹമ്മദ് ഇജാസിനെ നേരത്തെ കാപ്പ ചുമത്തി ജയിലില്‍ അടച്ചിരുന്നു. ബേക്കല്‍ ഡിവൈഎസ്പി വി.വി മനോജിന്‍റെ നിര്‍ദ്ദേശ പ്രകാരം ബേക്കല്‍ എസ് എച്ച് ഒ ശ്രീദാസിന്‍റെ നേതൃത്വത്തില്‍ എസ് ഐ മനു കൃഷ്ണന്‍, സിവില്‍ പോലീസ് ഓഫീസര്‍മാരായ ഷാജന്‍ ചീമേനി, ബിനീഷ് ചായ്യോത്ത്, പ്രസാദ് എന്നിവര്‍ ചേര്‍ന്നാണ് പ്രതിയെ പിടികൂടിയത്.
മാല മോഷണം തൊഴിലാക്കിയ യുവാവ് അറസ്ററില്
