വേലാശ്വരം: ശക്തമായ മഴയിലും കാറ്റിലും വേലാശ്വരത്ത് മരം പൊട്ടിവീണ് വീടിന് നാശനഷ്ടം. വേലാശ്വരം വ്യാശേശ്വരം ശിവക്ഷേത്രത്തിന് സമീപം താമസിക്കുന്ന വാണിയം വീട്ടില്‍ കുഞ്ഞിരാമന്‍റെ വീടിന് മുകളിലാണ് പ്ലാവുമരം പൊട്ടിവീണത്. കഴിഞ്ഞദിവസം രാത്രി വീട്ടില്‍ ഇവര്‍ കിടന്നുറങ്ങുമ്പോഴാണ് മരം വീടിനുമേല്‍ പതിച്ചത്. കുഞ്ഞിരാമനെ കൂടാതെ ഭാര്യയും വേലാശ്വരം ഗവണ്‍മെന്‍റ് യു.പി. സ്കൂള്‍ വിദ്യാര്‍ത്ഥിയായ മകളുമാണ് ഇവിടെ താമസിക്കുന്നത്. അജാനൂര്‍ പഞ്ചായത്ത് അധികൃതരും ചിത്താരി വില്ലേജ് അധികൃതരും സ്ഥലത്തെത്തി നാശനഷ്ടങ്ങള്‍ വിലയിരുത്തി. ഏകദേശം 25000 രൂപയുടെ നഷ്ടം കണക്കാക്കുന്നു.
മരം വീണ് വീട് തകര്‍ന്നു
