കാസര്‍കോട്: രണ്ടാഴ്ച മുമ്പ് വാഹന അപകടത്തില്‍ പരിക്കേറ്റ് ചികിത്സയിലായിരുന്ന യുവാവ് മരിച്ചു. ഉദുമ പള്ളം തെക്കേക്കര 'ശ്രീലയ'ത്തില്‍ ടി.കെ അഭിഷേകാണ് (19) മരിച്ചത്. കഴിഞ്ഞ 4ന് കാഞ്ഞങ്ങാട് സംസ്ഥാന പാതയില്‍ പൂച്ചക്കാട് വെച്ച് അഭിഷേകും സുഹൃത്തും സഞ്ചരിച്ച ഇരുചക്ര വാഹനവും കാറും കൂട്ടിയിടിക്കുകയായിരുന്നു. അഭിഷേക് ബൈക്കിന്‍റെ പിറകിലാണ് ഇരുന്നിരുന്നത്. ഗുരുതരമായി പരിക്കേറ്റ് ചികിത്സയിലായിരുന്നു. ബൈക്ക് ഓടിച്ച സുഹൃത്തിനും പരിക്കേറ്റിരുന്നു. ഇന്നലെ രാത്രിയോടെ മരണം സംഭവിച്ചു. പ്രവാസിയായ ചെണ്ട ഗോപാലന്‍റെയും സുജാതയുടെയും മകനാണ്. സഹോദരങ്ങള്‍: നിതീഷ് (ദുബായ്), ലയ (ഉദുമ ജിഎച്ച്എസ്എസ് പത്താം തരം വിദ്യാര്‍ഥിനി).
വാഹനാപകടം: യുവാവ് മരിച്ചു
