കാസര്‍കോട്: ബൈക്കില്‍ കടത്തുകയായിരുന്ന 26.81 ഗ്രാം എംഡിഎംഎയുമായി യുവാവ് അറസ്റ്റില്‍. ബങ്കര, മഞ്ചേശ്വരം, നസീറിയ മന്‍സിലിലെ അബൂബക്കര്‍ ആബിദി (25)നെയാണ് മഞ്ചേശ്വരം എസ്ഐ വൈഷ്ണവിന്‍റെ നേതൃത്വത്തില്‍ ഇന്ന് പുലര്‍ച്ചെ 1.45 മണിയോടെ ഹൊസങ്കടി എന്‍എച്ച് ഓവര്‍ബ്രിഡ്ജ് റോഡില്‍ വെച്ച് അറസ്റ്റുചെയ്തത്. എസ്ഐയുടെ നേതൃത്വത്തില്‍ രാത്രികാല പരിശോധന നടത്തുകയായിരുന്നു പോലീസ് സംഘം. സംശയം തോന്നി ബൈക്ക് തടഞ്ഞു നിറുത്തി ദേഹപരിശോധന നടത്തിയപ്പോഴാണ് അബൂബക്കര്‍ ആബിദിന്‍റെ പാന്‍റ്സിന്‍റെ പോക്കറ്റില്‍ നിന്ന് മയക്കുമരുന്നു കണ്ടെടുത്തതെന്ന് പോലീസ് പറഞ്ഞു. അറസ്റ്റിലായയാള്‍ നിരവധി കേസുകളില്‍ പ്രതിയാണെന്ന് പോലീസ് കൂട്ടിച്ചേര്‍ത്തു.
ബൈക്കില്‍ കടത്തിയ എംഡിഎംഎയുമായി യുവാവ് അറസ്ററില്
