കടുമേനി: ബിഎ മലയാളം സിലബസില്‍ ഉള്‍പ്പെടുത്തിയഗോത്ര കവിതയുടെ രചയിതാവ് ലിജിന കടുമേനിയെ വൈസ്മെന്‍ ഇന്‍റര്‍നാഷണല്‍ കടുമേനിയുടെ നേതൃത്വത്തില്‍ ആദരിച്ചു. കടുമേനി വൈസ്മെന്‍ ക്ലബ്ബിന്‍റെ പുതിയ ഭാരവാഹികള്‍ സ്ഥാനമേല്‍ക്കുന്ന ചടങ്ങിലാണ് ലിജിനയ്ക്ക് നാടിന്‍റെ ആദരവ് നല്‍കിയത്. ക്ലബ്ബ് പ്രസിഡന്‍റ് ഷിജു പി.എം അധ്യക്ഷത വഹിച്ചു. യോഗം വൈസ്മെന്‍ ഇന്‍റര്‍നാഷണല്‍ ട്രഷറര്‍ ടി. എം ജോസ് ഉദ്ഘാടനം ചെയ്തു. ഡിസ്ട്രിക്ട് ഗവര്‍ണര്‍ ഷീന ജോണി പുതിയ ഭാരവാഹികളുടെ സ്ഥാനരോഹണം നടത്തി. റീജിയണല്‍ ട്രഷറര്‍ ഷിജു പനച്ചിക്കല്‍ പുതിയ അംഗങ്ങള്‍ക്ക് സത്യവാചകം ചൊല്ലിക്കൊടുത്തു. സനല്‍ മാമ്പള്ളി, ജിജോ പി ജോസഫ്, സന്തോഷ് കരിമഠം, റഷീദ്.ടി തുടങ്ങിയവര്‍ സംസാരിച്ചു. ക്ലബ്ബിന്‍റെ പുതിയ ഭാരവാഹികളായി ജോര്‍ജ് അലക്സ് കരിമഠം, സതീഷ് കരിമഠം, സെന്നി കൂരമറ്റത്തില്‍ എന്നിവര്‍ ചുമതലയേറ്റു.
വൈസ്മെന്‍സ് ക്ലബ്ബ് യുവ കവയത്രിയെ അനുമോദിച്ചു
