കാഞ്ഞങ്ങാട് : ജോലി കഴിഞ്ഞ് ഭര്‍ത്താവിനോടൊപ്പം റോഡരികിലൂടെ നടന്നുപോകുമ്പോള്‍ ബൈക്കിടിച്ച് ഗുരുതരമായി പരിക്കേറ്റ് കോഴിക്കോട് മെഡിക്കല്‍ കോളേജ് ആശുപത്രിയില്‍ ചികിത്സയിലായിരുന്ന യുവതി മരിച്ചു.
ചിത്താരി മുക്കൂട്ട് നാട്ടാങ്കല്ലില്‍ അഭിലാഷിന്‍റെ ഭാര്യ ചിത്രയാണ് (40) മരണപ്പെട്ടത്. കഴിഞ്ഞ ശനിയാഴ്ച രാത്രി 11:40ന് മടിയന്‍ റഹ്മാനിയ റസ്റ്റോറന്‍റിന് മുന്നില്‍ വെച്ചാണ് അപകടം. ചിത്രയും അഭിലാഷം നടന്നു പോകുന്നതിനിടെകെ.എല്‍ 60 എം 3086 നമ്പര്‍ ബൈക്കാണ് ഇവരെ ഇടിച്ചിട്ടത്. കോഴിക്കോട് മെഡിക്കല്‍ കോളേജ് ആശുപത്രിയില്‍ ചികിത്സയ്ക്കിടെ ഇന്നലെ രാത്രിയോടെയാണ് ചിത്ര മരണപ്പെട്ടത്. അഭിലാഷിനും പരിക്കേ റ്റിരുന്നുവെങ്കിലും സാരമുള്ളതല്ല.പരേതനായ അപ്പു ജാനകി ദമ്പതികളുടെ മകളാണ്. മക്കള്‍: ആദര്‍ശ്, ഭരത് (ഇരുവരും വിദ്യാര്‍ത്ഥികള്‍). സഹോദരങ്ങള്‍: ശാരദ, കമലാക്ഷി , നാരായണി, രാജേഷ്, രാജു ,പരേതയായ ബേബി.
