കണ്ണൂര്‍: കണ്ണൂര്‍ ജില്ലയിലെ മയക്കുമരുന്ന് വിതരണ ശൃംഖലയുടെ മുഖ്യകണ്ണി അറസ്റ്റില്‍. കണ്ണൂര്‍, ചെറുകുന്ന് സ്വദേശി സനോജിനെയാണ് (38) ഇരിട്ടി പോലീസ് ഇന്‍സ്പെക്ടര്‍ പി.കെ ബിജേഷും സംഘവും ബാംഗ്ലൂരിലെ ഒളിവുകേന്ദ്രത്തില്‍ നിന്നും അറസ്റ്റു ചെയ്തത്. ഇയാളെ ഇരിട്ടിയിലെത്തിച്ച് വിശദമായി ചോദ്യം ചെയ്യുന്നതോടെ കണ്ണൂര്‍ ജില്ലയിലേയ്ക്ക് മയക്കുമരുന്ന് ഒഴുകിയെത്തുന്നതിന്‍റെ പ്രധാന വഴികള്‍ ഏതെന്ന് വ്യക്തമാകുമെന്ന കണക്കുകൂട്ടലിലാണ് പോലീസ് സംഘം. ഏതാനും ദിവസങ്ങള്‍ക്ക് മുമ്പ് ഇരിട്ടി പോലീസ് കൂട്ടുപ്പുഴയില്‍ നടത്തിയ തെരച്ചിലില്‍ വിഷ്ണുരാജ്, സാജിത്ത് എന്നിവരെ എം ഡി എം എയുമായി അറസ്റ്റു ചെയ്തിരുന്നു.
മയക്കുമരുന്ന് മൊത്തവ്യാപാരി അറസ്ററില്
