നീലേശ്വരം: ബങ്കളം ശ്രീ പേത്താളന്‍കാവ് കരിഞ്ചാമുണ്ഡി അമ്മ ഗുളികന്‍ ദേവസ്ഥാനത്ത് മെയ് 10, 11, 12 തീയതികളില്‍ നടക്കുന്ന കളിയാട്ട മഹോത്സവത്തിന്റെ ആഘോഷ കമ്മിറ്റി ഓഫീസ് ആഘോഷ കമ്മിറ്റി ചെയര്‍മാന്‍ വി.പ്രകാശന്റെ അധ്യക്ഷതയില്‍ മടിക്കൈ പഞ്ചായത്ത് പ്രസിഡന്റ് എസ്.പ്രീത ഉദ്ഘാടനം ചെയ്തു. ഉത്സവത്തോടനുബന്ധിച്ചുള്ള ലക്കിടിപ്പിന്റെ ഉദ്ഘാടനം ബങ്കളം ബദരിയ ജുമാ മസ്ജിദ് പ്രസിഡന്റ് കല്ലായി മുഹമ്മദ് കുഞ്ഞി നിര്‍വഹിച്ചു. ബങ്കളം അജിത്ത് ഏറ്റുവാങ്ങി
പഞ്ചായത്ത് മെമ്പര്‍ വി രാധ, കക്കാട്ട് മഹാവിഷ്ണു ക്ഷേത്രം സേവാസമിതി പ്രസിഡണ്ട് എം.ബാലന്‍ കരിച്ചേരി, കക്കാട്ട് ഉദയം മാടം വേട്ടക്കൊരു മകന് ക്ഷേത്രം പ്രസിഡന്റ് വിശ്വനാഥന്‍ കക്കാട്ട്, കക്കാട്ട് പുതിയ വീട് മഹാവിഷ്ണു ക്ഷേത്രം പ്രസിഡണ്ട് പി.ഗോവിന്ദന്‍ കീലത്ത്, അട്ടക്കാട്ട് ഭഗവതി ക്ഷേത്രം പ്രസിഡന്റ് നാരായണന്‍ അട്ടക്കാട്ട്, അങ്കക്കളരി വേട്ടക്കൊരു മകന് കൊട്ടാരം പാടാര്‍കുളങ്ങര ഭഗവതി ക്ഷേത്രം പ്രസിഡന്റ് രാജന്‍ മാണിമൂല, ബങ്കളം കാലിച്ചാന്‍മരം ദേവസ്ഥാനം പ്രസിഡന്റ് പി.കെ. സുരേശന്‍, പി. നാരായണന്‍ എന്നിവര്‍ സംസാരിച്ചു. ആഘോഷ കമ്മിറ്റി ജനറല്‍ കണ്‍വീനര്‍ പി.രാജീവന്‍ സ്വാഗതവും ആഘോഷ കമ്മിറ്റി ജോയിന്‍ കണ്‍വീനര്‍ ഷിബിന്‍ ബാലോടി നന്ദിയും പറഞ്ഞു.
