കാസര്‍കോട്: യുവാവിനെ തട്ടിക്കൊണ്ടുപോയി ക്രൂരമായി മര്‍ദ്ദിച്ച സംഭവത്തില്‍ ഒരാളെ കൂടി പോലീസ് അറസ്റ്റുചെയ്തു. ഉപ്പള ബപ്പായത്തൊട്ടി അമാന്‍ മന്‍സിലിലെ മുഹമ്മദ് ഫാറൂഖിനെ(35) തട്ടിക്കൊണ്ടുപോയി മര്‍ദ്ദിച്ച സംഭവത്തില്‍ വരുണ്‍ രാജ് ഷെട്ടി(30)യെയാണ് കുമ്പള എസ്.ഐ വിപിന്റെ നേതൃത്വത്തില്‍ പിടികൂടിയത്. ഈമാസം രണ്ടിന് പുലര്‍ച്ചെ മൂന്നു മണിയോടെയാണ് മുഹമ്മദ് ഫാറൂഖിനെ ബന്ധുവായ ഇര്‍ഷാദ് കാറില്‍ തട്ടിക്കൊണ്ടുപോയത്. പിന്നീട് ബംബ്രാണ വയലില്‍ വെച്ച് സംഘം ചേര്‍ന്ന് അക്രമിച്ച് ബോധരഹിതനാക്കി ഫാറൂഖിനെ അക്രമികള്‍ ബപ്പായത്തൊട്ടിയിലുള്ള വീട്ടില്‍ കൊണ്ടിട്ട ശേഷം രക്ഷപ്പെട്ടു. സംഭവത്തില്‍ ഒന്നാംപ്രതി ഇര്‍ഷാദ് ഒളിവിലാണ്. മറ്റു രണ്ടുപ്രതികളെ നേരത്തെ അറസ്റ്റുചെയ്തിരുന്നു.
തട്ടിക്കൊണ്ടുപോയി മര്‍ദ്ദിച്ച കേസില്‍ ഒരാള്‍ അറസ്റ്റില്‍
