അമ്പലത്തറ: ലൈസന്‍സില്ലാത്ത നാടന്‍ തോക്കുമായി അമ്പലത്തറ പോലീസ് ഒരാളെ അറസ്റ്റ് ചെയ്തു. തായന്നൂര്‍ സര്‍ക്കാരി മൊയോലം ഹൗസിലെ ബി. നാരായണ(49)നെയാണ് അമ്പലത്തറ എസ്.ഐ കെ.ലതീഷും സംഘവും അറസ്റ്റു ചെയ്തത്. മരുതോം സെക്ഷന്‍ ഫോറസ്റ്റ് ഓഫീസര്‍ ബി.എസ് വിനോദ് കുമാറിനു ലഭിച്ച രഹസ്യവിവരത്തിന്റെ അടിസ്ഥാനത്തിലാണ് പോലീസ് സംഘം ഇന്നലെ രാത്രി തായന്നൂര്‍, ഒരളക്കാട്ടെ റബ്ബര്‍ തോട്ടത്തിലെ ഷെഡില്‍ പരിശോധന നടത്തിയാണ് പ്രതിയെ തോക്കുമായി പിടികൂടിയത്. പാറപ്പള്ളിയില്‍ താമസക്കാരനായ സര്‍ഫാസിന്റെ ഉടമസ്ഥതയിലാണ് തോട്ടം. തോട്ടത്തിന്റെ ചുമതലക്കാരന്‍ നാരായണനാണെന്നും ഇയാളാണ് ഷെഡ്ഡില്‍ തോക്കു സൂക്ഷിച്ചിരുന്നതെന്നും പോലീസ് പറഞ്ഞു.
നാടന്‍ തോക്കുമായി ഒരാള്‍ അറസ്റ്റില്‍
