കാസര്‍കോട്: ഭൂതക്കോല വാദ്യ കലാകാരന്‍ കുഴഞ്ഞ് വീണ് മരിച്ചു. മഞ്ചേശ്വരം, ബായാര്‍, കള്ളഗദ്ദയിലെ വരദരാജ്-വന്ദിത ദമ്പതികളുടെ മകന് മൗനേഷ് ജോഗി (22)യാണ് മരിച്ചത്. ഇന്ന് രാവിലെ ഏഴുമണിയോടെയാണ് സംഭവം. മംഗലാപുരം കേന്ദ്രീകരിച്ച് പ്രവര്‍ത്തിക്കുന്ന വാദ്യസംഘത്തിലെ കലാകാരനാണ് മൗനേഷ്. ദേര്‍ളക്കട്ടയില്‍ നടന്ന ഭൂതോത്സവത്തിന് മേളമൊരുക്കാന്‍ മൂന്ന് ദിവസം മുമ്പാണ് വീട്ടില്‍ നിന്ന് പോയത്. ഇന്ന് പുലര്‍ച്ചെ അഞ്ചുമണിയോടെ താമസസ്ഥലത്തെത്തി. ഏഴുമണിയോടെ കുഴഞ്ഞ് വീഴുകയായിരുന്നുവെന്ന് കൂടെ ഉണ്ടായിരുന്നവര്‍ പറഞ്ഞു. ഉടന്‍ തന്നെ ആശുപത്രിയില്‍ എത്തിച്ചുവെങ്കിലും രക്ഷിക്കാനായില്ല. സഹോദരങ്ങള്‍: മനീഷ്, മുകേഷ്.
ഭൂതക്കോല വാദ്യ കലാകാരന്‍ കുഴഞ്ഞ് വീണ് മരിച്ചു
