മാലക്കല്ല്: മാലക്കല്ല് വൈ എം സി എയുടെ പുതിയഭാരവാഹികളുടെ സ്ഥാനാരോഹണവും കുടുംബസംഗമവും നടത്തി. കുടുംബസംഗമം വൈ എം സി എ സംസ്ഥാന വൈസ് ചെയര്‍മാന്‍ മാനുവല്‍ കുറിച്ചിത്താനം ഉദ്ഘാടനം ചെയ്തു. യൂണിറ്റ് പ്രസിഡണ്ട് റിട്ട.സുബേദാര്‍ പി.സി.ബേബി പള്ളിക്കുന്നേല്‍ അധ്യക്ഷം വഹിച്ചു. മാലക്കല്ല് ലൂര്‍ദ്ദ് മാതാ പള്ളിവികാരി ഫാ.ഡിനോ കുമ്മാനിക്കാട്ട് അനുഗ്രഹപ്രഭാഷണം നടത്തി. ഭാരവാഹികളുടെ സ്ഥാനാരോഹണത്തിന് വൈ എം സി എ സബ്ബ് റീജിയണ്‍ ചെയര്‍മാന്‍ ബേബി മാടപ്പള്ളി നേതൃത്വം നല്‍കി. പ്ലസ്ടു പരീക്ഷയില്‍ മികച്ച വിജയം നേടിയ അന്നബെന്നി തെങ്ങുംപള്ളി, സിയ എലിസബത്ത്, സജി കാച്ചിനോലിക്കല്‍, ജോബിന്‍ ടോമി നെടുംതൊട്ടിയില്‍ എന്നിവരെ ഉപഹാരം നല്‍കി ആദരിച്ചു. സബ്ബ് റീജിയണ്‍ ജനറല്‍ കണ്‍വീനര്‍ സണ്ണിമാണിശേരി, സത്യന്‍ ജോസഫ്, ജോണ്‍ പുല്ലുമറ്റം എന്നിവര്‍ പ്രസംഗിച്ചു.
മാലക്കല്ല് വൈ എം സി എ ഭാരവാഹികള്‍ സ്ഥാനമേറ്റു
