കാഞ്ഞങ്ങാട്: ദേശാഭിമാനി കാഞ്ഞങ്ങാട് ബ്യൂറോയില്‍ നിന്ന് തിരുവനന്തപുരം ഓഫീസിലേക്ക് സബ്ബ് എഡിറ്ററായി നിയമനം ലഭിച്ചുപോകുന്ന റഹനാസ് മടിക്കൈക്ക് കാഞ്ഞങ്ങാട് പ്രസ്ഫോറം യാത്രയയപ്പ് നല്‍കി. പ്രസിഡന്‍റ് ടി.കെ നാരായണന്‍ അധ്യക്ഷം വഹിച്ചു. മാനുവല്‍ കുറിച്ചിത്താനം , ടി.മുഹമ്മദ് അസ്ലം, പി.പ്രവീണ്‍കുമാര്‍, ഇ.വി.വിജയന്‍ , കെ.എസ്.ഹരി, അനില്‍ പുളിക്കാല്‍, ജയരാജ് ,സജേഷ് അടമ്പില്‍, ജോയ് മാരൂര്‍, എന്നിവര്‍ സംസാരിച്ചു. റഹ്നസ് മടിക്കൈ മറുപടി പ്രസംഗം നടത്തി. സിബിഎസ്ഇക്ക് കീഴിലുള്ള ഐഎസ്ഇടി മത്സര പരീക്ഷയില്‍ വിജയം നേടിയ ചന്ദ്രിക ലേഖകന്‍ ഫസല്‍റഹിമാന്‍റെ മകന് ജാസിം ഫസല്‍, എല്‍എസ്എസ് സ്കോളര്‍ഷിപ്പ് നേടിയ മാതൃഭൂമി സ്റ്റാഫ് റിപ്പോര്‍ട്ടര്‍ ഇ.വി.ജയകൃഷ്ണന്റെ മകള്‍ ഉത്ര ജാനകി എന്നിവരെ ചടങ്ങില്‍ അനുമോദിച്ച് ഉപഹാരം നല്‍കി. സെക്രട്ടറി ബാബു കോട്ടപ്പാറ സ്വാഗതവും ട്രഷറര്‍ ഫസലുറഹ്മാന്‍ നന്ദിയും പറഞ്ഞു.
റഹനാസ് മടിക്കൈക്ക് യാത്രയയപ്പ് നല്‍കി
