കണ്ണൂര്‍: സുഹൃത്തിനെ കുത്തിപ്പരിക്കേല്‍പ്പിച്ച യുവാവ് തൂങ്ങിമരിച്ചു. ഇന്ന് രാവിലെ 9 ന് അരിപ്പാമ്പ്ര പറയന്‍കുളത്താണ് സംഭവം. അരിപ്പാമ്പ്ര പറയന്‍കുളത്തെ സുഭാഷാണ്(30) രാവിലെ പത്തോടെ മരിച്ചത്. വീട്ടിനടുത്തുള്ള മരത്തിലാണ് തൂങ്ങിമരിച്ച നിലയില്‍ കണ്ടെത്തിയത്. സുഹൃത്ത് വടക്കിനിയില്‍ പ്രിയേഷുമായുള്ള തര്‍ക്കത്തെ തുടര്‍ന്ന് സുഭാഷ് കത്തികൊണ്ട് കുത്തുകയായിരുന്നു. പരിക്കേറ്റ പ്രിയേഷിനെ തളിപ്പറമ്പിലെ സഹകരണ ആശുപത്രിയില്‍ പ്രവേശിപ്പിച്ചു. പ്രിയേഷ് മരിച്ചിരിക്കാമെന്ന ഭയത്തിലാണ് സുഭാഷ് തുങ്ങിമരിച്ചത്. പരേതനായ നാരായണന്‍റെയും ലക്ഷ്മിയുടെയും മകനാണ് സുഭാഷ്.
സുഹൃത്തിനെ കുത്തിപരിക്കേല്‍പ്പിച്ച യുവാവ് തൂങ്ങിമരിച്ചു
