മംഗലാപുരം: തോക്കുകളും തിരകളുമായി കാറില്‍ സഞ്ചരിച്ച രണ്ടു മഞ്ചേശ്വരം സ്വദേശികളെ മംഗലാപുരം സിറ്റി സിസിബി പോലീസ് അറസ്റ്റ് ചെയ്തു. മഞ്ചേശ്വരം സ്വദേശികളായ മുഹമ്മദ് അസ്ഗര്‍ (26), അബ്ദുള്‍ നിസാര്‍.കെ (29) എന്നിവരാണ് അറസ്റ്റിലായത്.
കാസര്‍കോട് ജില്ലാ അതിര്‍ത്തിയായ തലപ്പാടിയിലെ പിലിക്കൂര്‍ ഭാഗത്ത് വെച്ചാണ് ഇവരെ പിടികൂടിയത്. കാറില്‍ ആയുധങ്ങളുമായി സഞ്ചരിക്കുന്നതായി പോലീസിന് വിവരം ലഭിച്ചിരുന്നു. തുടര്‍ന്ന് നടത്തിയ വാഹന പരിശോധനയിലാണ് പ്രതികള്‍ സഞ്ചരിച്ച കാര്‍ തടഞ്ഞത്. കാറില്‍ നിന്ന് രണ്ട് പിസ്റ്റളുകളും, തിരകളും പിടികൂടിയിരുന്നു. പ്രതികള്‍ സഞ്ചരിച്ച കാര്‍ പോലീസ് കസ്റ്റഡിയിലെടുത്തു.
