കാസര്‍കോട്: കാറിനു ള്ളില്‍ എലിവിഷം കഴിച്ച് ഗുരുതരനിലയില്‍ മംഗലാപുരത്തെ ആശുപത്രിയില്‍ ചികിത്സയിലായിരുന്ന ചെങ്കല്ല് ലോറി ഡ്രൈവര്‍ മരിച്ചു. ദേലംപാടി വില്ലേജിലെ ബെള്ളിപ്പാടി ഹൗസിലെ ബി എച്ച് കിരണാണ് (36) മരിച്ചത്. ഒക്ടോബര്‍ 26ന് വൈകുന്നേരം ഏഴുമണിയോടെ പഞ്ചിക്കല്ല് തൂക്കുപാലത്തിനു സമീപത്ത് നിര്‍ത്തിയിട്ട കാറിനകത്താണ് കിരണിനെ അവശനിലയില്‍ കാണപ്പെട്ടത്. നാട്ടുകാര്‍ ഇയാളെ സുള്ള്യയിലെ കെ വി ജി ആശുപത്രിയില്‍ എത്തിച്ചു. അവിടെ വെച്ച് നടത്തിയ പരിശോധനയില്‍ എലിവിഷം കഴിച്ചതാണെന്ന് വ്യക്തമായി. നില ഗുരുതരമായതിനാല്‍ മംഗലാപുരത്തെ എ ജെ ആശുപത്രിയിലേക്ക് മാറ്റുകയായിരുന്നു. ആദൂര്‍ പോലീസ് അസ്വാഭാവിക മരണത്തിന് കേസെടുത്തു. വിഷം കഴിക്കാന്‍ ഇടയാക്കിയ കാരണം എന്താണെന്ന് വ്യക്തമല്ല. വണ്ണപ്പഗൗഡ കുസുമാവതി ദമ്പതികളുടെ മകനാണ.് കിരണ്‍. ഭാര്യ: പുനിത. മക്കള്‍: അഭിറാം, ദിയാറാം. സഹോദരന്‍ തീര്‍ത്ഥന്‍.
കാറിനകത്ത് വിഷം കഴിച്ച യുവാവ് മരിച്ചു
